मित्रहो समजा तुम्हाला रोज दूरवर प्रवास करण्याची गरज आहे. अश्या प्रवासासाठी तुम्ही एक भरपूर मायलेज देणारी गाडी निवडणार. प्रवास कमीत कमी खर्चात व्हावा असे तुमचे नियोजन असेल. पण समजा कुणी नियमितपणे या गाडीच्या इंधनाची चोरी करायला लागले तर आपणाला ते परवडेल का? अश्या वेळी आपण काय कराल?
एकतर आपण त्या चोराला पकडून चोप द्याल किंवा चोरी करता येवू नये म्हणून कुलुपाची व्यवस्था कराल. हो ना?
कोणत्याही व्यापारी पिकात नफा कमवायचा असेल तर आपल्याला हिशोबी तर असावेच लागेल शिवाय चौकस राहून आपण गुंतवणूक केलेल्या प्रत्येक पैशाचा भरपूर परतावा मिळेल असे बघावे लागेल. कुणी आपल्या पिकात चोरी तर करत नाहीना? यावर लक्ष ठेवावे लागेल.
वर्षाकाठी जगभरात कीटकनाशकांवर
"२४ लक्ष करोड रुपये" खर्च होतात!
मृदेची मशागत, महागडे बियाणे, मंडप-बांधणी, मल्चिंग, ठिबक, तुषार सिंचन, खते, औषधी, मजुरी, दळणवळण असा मोठा खर्च आपण व्यापारी पिकात करीत असतो. पिके रसरशीत असावीत, त्यांची भरपूर वाढ व्हावी, ती चांगली फुलावी-फळावी म्हणून आपण प्रयत्नशील असलो. अश्या वेळी निरनिराळ्रया रसशोषक किडी आपल्या पिकात मोठ्या प्रमाणात रसपान करतात. पिकाची वाढ रहाते बाजूला आणि या किडी त्यांची पिल्लावर प्रचंड वेगाने वाढवतात. या किडींच्या माध्यमातून विषाणूजन्य रोगांचा प्रसार तर होतोच शिवाय त्यांनी स्त्रवलेल्या रसावर बुरशी वाढीस लागते. पिकाची वाढ खुंटते व प्रचंड नुकसान होते.
कापूस, टोमॅटो, भेंडी, मिरची, पपई, वांगे, कारले, तूर या पिकात रसशोषक किडी ५० ते ९० टक्के नुकसान करू शकतात.
मावा, तुडतुडे, पांढरी माशी, पिठ्या ढेकुण, लाल कोळी, फुल कीड, खवले कीड या रस शोषक किडी विविध पिकात मोठ्या त्रासदायक ठरतात.
या किडी मुख्यत: पानाच्या खालच्या बाजूस राहून तसेच झाडाच्या कोवळ्या भागातून व फळातून रस शोषण करतात.
मोझाईक, स्पोटेड विल्ट, यलो लीफ कर्ल,प्लम पोक्स यलो व्हेन अश्या अनेक व्हायरसचा प्रसार या रसशोषक किडीच करत असतात.
रोगापेक्षा इलाजच भयंकर!
रसशोषक किडींवर नियंत्रण करण्यसाठी वापरले जाणारे कीटकनाशक इतके खर्चिक असतात कि, नियोजन केले नाही तर, किडीमुळे होणाऱ्या नुकसानापेक्षा कीटकनाशकांचाच खर्च मोठा ठरतो!
नुकसान टाळायचे असेल तर नियंत्रणाचे पूर्व नियोजन करणे फायद्याचे आहे. पिकात एकरी १० ते २० यलो व ब्ल्यू चीपचीप ट्रॅप लावावेत, त्यावर किडी चिकटल्याने मुळे प्रजनन होत नाही, किडींच्या सुरवातीच्या पिढ्यांचे जीवनचक्र हळू फिरते व संख्या नियंत्रणात रहाते. चिपचीप सापळ्यांची संख्या गरजेनुसार वाढवता येते. हे सापळे खर्चिक तर अजिबात नसतात शिवाय पिकात अंश येणे किंवा किडीत प्रतिकारशक्ती निर्माण होणे अश्या किचकट अडचणी देखील यांच्या वापराने येत नाहीत.
चीपचीप सापळ्यांच्या मदतीने किडी ओळखा, त्यांचे प्रजनन थांबवा!
९० टक्के शेतकरी या बाबत अजूनही जागृत नाहीत!
जेव्हा पिकात भरपूर रसरशित पणा असतो त्याच काळात अरेना चोकलेट ची फवारणी केली तर पिकाच्या मऊ भागावर लीग्नीफिकेशन होते. मऊपणा कमी होतो त्यामुळे रसशोषक किडींचे जबडे नीट काम करू शकत नाहीत व त्यांना रस शोषणे कठीण होऊन बसते व परिणामी संख्या नियंत्रणात रहाते. एव्हडे करूनही कीड नियंत्रण होत नसेल तर वातावरण अधिक पूरक असणे किंवा परिसरातील इतर शेतात अधिक प्रादुर्भाव असण्याची शक्यता असते. अश्या वेळी किडींची संख्या ठराविक मर्यादेत असतानाच कीडनाशकाचा वापर झाल्यास फवारण्याची संख्या कमी करता येते, त्यांचे अंश कमी होतात, पर्यावरणीय हानी कमी होते, मजुरी खर्चात मोठी बचत होते.
चीपचीप च्या मदतीने सामान्य शेतकरी कीटकनाशकावरील खर्चात मोठी बचत करू शकतो!
सरते शेवटी बचत देखील नफ्याचाच हिस्सा बनतो!
एकच एक कीटकनाशक वापरण्या ऐवजी नियमित पणे ते बदलत राहावे जेणे करून किडीत कीडनाशका विरोधात प्रतिकारशक्ती निर्माण होणार नाही व कमी तीव्रतेच्या फवारणीतच किडी नियंत्रणात येतील. एकच एक कीटकनाशक पुन्हा पुन्हा वापरले कि किटकातील जी उपजात कीटनाशकाला प्रतिकार करू शकते तिची संख्या वाढते, जर आपण त्याच एका कीटकनाशकाची तीव्रता वाढवत राहिलो तर कालांतराने संपूर्ण कीड कीटकनाशकाला प्रतिकार करते व फवारणी चा कोणताच फायदा होत नाही. यालाच "पेस्टीसाइड ट्रेडमिल (दमछाक करणारी चक्की)" म्हणतात. अश्या पेस्टीसाइड ट्रेडमिल मुळे शेतकऱ्यास आर्थिक फटका बसतो, निसर्गाचे नुकसान होते, तेव्हा कीटकनाशक आळीपाळी ने बदलणे आवश्यक आहे. 
पाटील बायोटेकची दर्जेदार जैविक कीटकनाशके "रसशोषक किडीच्या नियंत्रणात खूप उपयोगी आहेत. त्यांच्या उपलब्धतेत काही अडचण असल्यास या पेजवर एक फॉर्म देत आहे. तो नक्की भरावा.
कीडनियंत्रणाबद्दल कोणताही प्रश्न असेल तर आपण श्री. अमोल पाटील यांना व्हाटसअप करू शकता. स्क्रीन वर तरंगणारे एक बटन दिले आहे त्यावर क्लिक करा.
आमच्या सोशल ग्रुपला जॉईन केल्याने आमचे नवीनलेख आपल्याला लगेच वाचायला मिळतील
---------------------
मित्रहो, हा ब्लॉग कसा वाटला? ते कॉमेंटमध्ये लिहायला विसरू नका. लेख आवडला असेल तर फेसबुकवर शेअर करण्यासाठी इथे क्लिक करा. व्हाटसअप वर शेअर करण्यासाठी स्कीनवर डाव्याबाजूला एक बटन दिले आहे.
|
आत्ता ऑर्डर करा. |
