Click Here for Product Demand Form

थायमेथोक्झामयुक्त ४ प्रमाणित एकल कीटकनाशके व त्यांचे उपयोग

थायमेथोक्झाम हे, नियोनिकोटीनोइड प्रकारचे, एक आंतरप्रवाही कीटकनाशक आहे. विविध प्रकारच्या अनेक किडीवर त्याचा परिणाम होतो त्यामुळे ते व्यापक गटात मोडते. फवारणी नंतर हे लगेच पिकात शोषले जाते. पिकाच्या सर्व भागात पसरते. जेव्हा कीड पिकाचे शोषण करते तेव्हा ते किडीत पोहोचते. स्पर्श, श्वास व पोटावाटे हे कीटकनाशक किडीच्या शरीरात दाखल होते. तेथे ते संवेदना वहनात अडथळे आणते ज्यामुळे किडीस लखवा होतो.

उत्पादक कंपनीच्या दाव्यानुसार थायमेथोक्झाममुळे पिकाच्या "जोशा"त वाढ होते. थायमेथोक्झाममुळे काही विशीष्ट क्रियाशील प्रथिनाची निर्मिती वाढते ज्यामुळे पिकाची तणाव प्रतिकारशक्ती वाढते. फवारणी केलेली पिके पाण्याचा ताण, उष्णता, मृदेची क्षारता, सामू, किडीमुळे होणाऱ्या जखमा, वारा, गारपीट, विषाणूचा प्रभाव इतक्या साऱ्या अडचणींना तोंड देण्यास सक्षम बनतात.

केंद्रीय कीटकनाशक बोर्डाने थायमेथोक्झामवर आधारित ९ कीटकनाशके प्रमाणित केली असून त्यातील चार एकल कीटकनाशकांची माहिती इथे देत आहे. इतर ५ कोम्बो कीटकनाशकांची माहिती दुसऱ्या ब्लॉग मध्ये लवकरच देणार आहे.  

थायमेथोक्झाम ३० % एफ एस हे प्रमाणित कीटकनाशक बियाणे प्रक्रियेसाठी वापरायचे असते. जर आपण स्वत:चे बियाणे वापरत असाल किंवा ज्या कंपनीचे बियाणे आहे त्यांनी बीजप्रक्रिया केली नसेल तर या कीटकनाशकाचा उपयोग खालील बियाण्यासाठी करू शकतो.

 

 

  • कापसातील मावा, पांढरीमाशी व तुडतुडे नियंत्रणासाठी एक किलो बियाण्यास १० मिली वापरावे
  • ज्वारी व सोयाबीन मधील खोडमाशी नियंत्रणासाठी एक किलो बियाण्यास १० मिली वापरावे
  • गहू पिकातील वाळवी नियंत्रणासाठी एक किलो बियाण्यास ३.३ मिली वापरावे
  • मिरचीतील फुलकिडे नियंत्रणासाठी एक किलो बियाण्यास ७ मिली वापरावे
  • भेंडीतील तुडतूडे , नियंत्रणासाठी एक किलो बियाण्यास ५.७ मिली वापरावे
  • माक्यातील खोडमाशी नियंत्रणासाठी एक किलो बियाण्यास ८ मिली वापरावे
  • सूर्यफुलातील तुडतूडे व फुलकिडे नियंत्रणासाठी एक किलो बियाण्यास १० मिली वापरावे
------------------------------
कीटकनाशक कोणतेही असो, त्याचा वापर हा शेवटचा पर्याय असतो. त्याअगोदर आपण व्यवस्थापनाच्या माध्यमातून कीडनियंत्रण करू शकतो. संतुलित खत व्यवस्थापन हा त्याचाच एक भाग असून त्यासाठी आपण अमृतगोल्ड एन[पीके वाटर सोल्युबल मिश्र खतांचा, अमृत प्लस ड्रेंचींग कीटचा व मायक्रोडील सूक्ष्मअन्नद्रव्य खतांचा वापर करावा. चिकट सापळे, कामगंध सापळे वापरून आपण किडीचे प्रजनन रोखू शकता.
------------------------------

थायमेथोक्झाम ७० % डब्ल्यू एस (क्रुझर, कव्हर, स्पेरहे प्रमाणित कीटकनाशक लागवडीच्या वेळी बियाण्याला लावण्यासाठी वापरायचे आहे. व्यापारी पद्धतीने बियाणेप्रक्रीयेसाठी याची शिफारस केलेली नाही.  शेतात वापरायच्या वेळी, लागत असलेली पावडर कमीत कमी पाण्यात मिसळून ओघळ येईल अशी लापशी बनवावी. प्लास्टिकच्या पिशवीत बियाणे घेवून त्यात वरून हि लापशी टाकावी व एखादे मिनिट चांगले घोळावे जेणेकरून प्रत्येक बियाण्यास औषध लागेल. पाणी कमी पडले असे वाटल्यास अंदाजे पाणी टाकून थोडावेळ घोळावे.

  • कापसातील मावा, पांढरीमाशी, फुलकिडे व तुडतुडे नियंत्रणासाठी १ किलो बियाण्यास ४ ते ५ ग्राम वापरावे
  • भेंडीतील मावा व तुडतूडे नियंत्रणासाठी १ किलो बियाण्यास ३ ग्राम वापरावे
  • टमाट्यातील मावा व फुलकिडे नियंत्रणासाठी १ किलो बियाण्यास ६ ग्राम वापरावे
  • सूर्यफुलातील तुडतूडे व फुलकिडे नियंत्रणासाठी १ किलो बियाण्यास ४ ग्राम वापरावे
  • गव्हातील वाळवी व मावा नियंत्रणासाठी १ किलो बियाण्यास २ ग्राम वापरावे
  • माक्यातील खोडमाशी व मावा नियंत्रणासाठी १ किलो बियाण्यास ३.५ ते ४ ग्राम वापरावे
  • भातातील फुलकिडे व तुडटुडे नियंत्रणासाठी १ कलो बियाण्यास १.५ ग्राम वापरावे

थायमेथोक्झाम ७५ % एस जी हे प्रमाणित कीटकनाशक मृदेतून द्यायचे असून रससोशक व पोखरणाऱ्या किडीचे नियंत्रण करते. हे कीटकनाशक मुळातून शोषले जावून पिकात सर्वदूर पसरते. पिकाच्या बाह्य भागावर याचे अंश नसल्याने मित्र किडीला याचा त्रास होत नाही.

 

 

  • भुइमुगातील वाळवी नियंत्रणासाठी ५२ ग्राम २०० ते ४०० लिटर पाण्यास मिसळून एक एकर क्षेत्रात द्यावे, शेवटचे दोन महिने वापरास प्रतिबंध आहे
  • उसातील वाळवी व सुरवातीची खोडकिडी ५२ ग्राम २०० ते ४०० लिटर पाण्यास मिसळून एक एकर क्षेत्रात द्यावे, शेवटचे सात महिने वापरास प्रतिबंध आहे
  • भातातील हिरवे व तपकिरी तुडटुडे नियंत्रणासाठी ६२ ग्राम ५०० मिली पाण्यात विरघळून १० किलोवाळू वाळूत मिसळावे व एक एकर क्षेत्रात पसरवावे, शेवटचे दोन महिने वापरास प्रतिबंध आहे
  • कापाशीतील तुडतूडे व फुलकिडे नियंत्रणासाठी मिली ग्राम २०० ते ४०० लिटर पाण्यास मिसळून एक एकर क्षेत्रात द्यावे, शेवटचे १०९ दिवस वापरास प्रतिबंध आहे

 थायमेथोक्झाम २५ % डब्लू जी (ॲक्टरा, ॲरो, क्लिक, स्लेअर, रिनोवा)

आता उत्तम दर्जाची कीटकनाशके ऑनलाईन उपलब्ध आहेत. आपल्या सुविधेसाठी इथे लिंक देता आहे

 

    • भातातील खोडकीड, गादमाशी (gall midge), पाने दुमडणारी कीड, पांढरे/तपकिरी/हिरवे तुडतूडे, व फुलकिडे नियंत्रणासाठी २-३ ग्राम प्रती १५ लिटर या दराने फवारावे. शेवटची १४ दिवस वापर करू नये
    • कापसातील तुडतूडे, फुलकिडे, मावा नियंत्रणासाठी २-३ ग्राम प्रती १५ लिटर या दराने फवारावे. शेवटची २१ दिवस वापर करू नये
    • कापसातील पांढरी माशी नियंत्रणासाठी ४-६ ग्राम प्रती १५ लिटर या दराने फवारावे. शेवटची २१ दिवस वापर करू नये
    • भेंडीतील तुडतूडे, फुलकिडे, पांढरी माशी नियंत्रणासाठी १.५-३ ग्राम प्रती १५ लिटर या दराने फवारावे. शेवटची ५ दिवस वापर करू नये
    • आंब्यातील तुडतूडे नियंत्रणासाठी 1.5 ग्राम प्रती १५ लिटर या दराने फवारावे. काढणीच्या ३० दिवस अगोदर पासून वापर प्रतिबंधित आहे
    • गव्हातील मावा नियंत्रणासाठी 1.5 ग्राम प्रती १५ लिटर या दराने फवारावे शेवटची २१ दिवस वापर करू नये
  • मोहरीतील मावा नियंत्रणासाठी 1.5-३.० ग्राम प्रती १५ लिटर या दराने फवारावे शेवटची २१ दिवस वापर करू नये
  • टमाटे व वांग्यातील पांढरी माशी नियंत्रणासाठी ३ ग्राम प्रती १५ लिटर या दराने फवारावे तोडणीच्या ५ दिवस अगोदर फवारणी थांबवावी
  • बटाट्यातील मावा नियंत्रणासाठी ३ ग्राम प्रती १५ लिटर या दराने फवारावे. आळवणी किंव ठिबकने द्यायचे असल्यास ८०-८५ ग्राम २०० ते २५० लिटर पाण्यात मिसळावे. शेवटचे ७७ दिवस वापरास प्रतिबंध आहे .
  • लिंबूतील सायला (psylla) हि कीड नियंत्रण करण्यासाठी १.५ ग्राम प्रती १५ लिटर दराने फवारणी करावी. तोडणीच्या २० दिवस अगोदर फवारणी बंद करावी.

खाली स्क्रोल करून शेतीविषयक आमचे विविध लेख नक्की वाचा. आपण आमची उत्पादने देखील ऑनलाईन खरेदी करू शकता.

थायमेथोक्झाम हे कीटकनाशक वर दिलेल्या माहितीनुसार वापरायचे आहे. बाजारातील काही पॅकिंगवर हुमणीनियंत्रणासाठी याचा वापर करावा असे चित्राच्या माध्यमातून सुचवलेले दिसते. केंद्रीय कीटकनाशक बोर्डाने मात्र अशी शिफारस कोठेही केलेली नाही. त्यामुळे दिशाभूल केली जाते आहे असे स्पष्ट आहे. मित्रहो, शेतातील हुमण्या गोळा करून त्यावर या कीटकनाशकाची फवारणी केली तर कदाचित त्या मरतीलहि. पण म्हणून हे औषध शेतात लागू होईल असे सांगता येत नाही. विधायक पद्धतीने एखाद्या उत्पादकास तसा दावा करायचा असल्यास त्याला त्याचे शास्त्रीय पुरावे केंद्रीय कीटकनाशक बोर्डास द्यावे लागतील. पुराव्यातील तथ्यांचा विचार करून बोर्ड यास परवानगी देईल. तसे करते वेळी बोर्ड याच्या दूरगामी परिणामांचा देखील विचार करेल.तूर्तास जोपर्यंत असे होत नाही तो पर्यंत हुमणी नियंत्रणासाठी हे कीटकनाशक वापरू नये.

Leave a comment

Name and Mobile number .
.
Message with Address, District & Pincode .

Please note, comments must be approved before they are published